Rabu, 31 Oktober 2012

Berbalas Pantun Tau Samawa



  • Ku balangan lo baretong
    ling do lalo ku kangompa
    lamen ate kam baketong
    sakit lampa tu kalupa


    • Aer petung aer beta
      kamelar bawa leng ai bah
      Ka baketong ate kita
      tu samares lako nikah


    • Muntu nyaman ku balangan
      kukatawa ku bakati
      muntu datang mo pangangan
      panto poto jari ganti


    • olo loto bao para
      sampe timal musim balet
      na mu panto ora ora
      coba iduk jangka luset


    • Kras nyaman rasa sate
      nonya sate ube dngan
      lamen tetu sia nyate
      lema tama bakatoan


    • rempong kayu musim ujan
      les baseli sajan bako
      mudi ya ku bakatoan
      na eneng peno pamako


    • Balong ijo pun mako
      i kaliung ning tagerang
      no si pno yaku mako
      asal dita saling sayang


    • nonda pipes beli mako
      jual loto ku sabelik
      lamen peno si mu mako
      urung ate ku ramalik

    • Dewi Sri Sompalangi 

       Ka kulalo desa rempe
      rena kakan kropok lenong
      sila sia tama mempe
      tukarante meluk balong


    • lalo tengke olat monte
      ku kasasang bongak awan
      na endi dunung tu karante
      senga sedo nongka kawan


    • Entek bale papun madi
      ngeneng kakan ote ote
      amun tetu saling pedi
      tu barma gama mate


    • ku balangan lo marente
      batiup angen bawa au
      gama jangka ke ku mate
      ku barema si ke kau


    • Ku basebo ke me poyong
      tamba ampo ke mpak rarut
      nanta jangi tau morong
      nonya teda tawa balut


    • kaku mangan ke empa raret
      boe me telu piring
      mana nonda tawa balet
      asal kuat tahan banting


    • Ramai tau pili tangkol
      keang tau piya timu
      memang tetuti kutongol
      nyaman lalo kambatemu


    • laga maling toto kokol
      kena dapat laga tuntung
      bariduk ke tau tongol
      ada dunung tu kapentung

Diposting oleh di

1 komentar:

Langganan: Posting Komentar (Atom)